Teks Khutbah Jum’at Tema Bulan Syawal ( Bahasa Jawa )

Posted on

Diartikel kali ini kami akan memberikan referensi tentang ” Teks Khutbah Jum’at Tema Bulan Syawal ”. Yang mana mungkin saat ini anda sedang mencari conton dan referensi sebelum berkutbah di masjid pada jumat.

Teks Khutbah Jum'at Tema Bulan Syawal ( Bahasa Jawa )

Berikut Teks Khutbah Jum’at Tema Bulan Syawal :

الْحَمْدُ
ِللهِ الْحَمْدُ ِللهِ الَّذِيْ جَعَلَ اْلأَعْيَادَ مُوْسِمَ اْلخَيْرَاتِ

*  أَشْهَدُ أَنْ لآ
إِلهَ إِلاَّ اللهُ وَحْدَهُ لاَ شَرِيْكَ لَهُ رَبُّ الأَرَضِيْنَ
وَالسَّمَاوَاتِ
* وَأَشْهَدُ
أَنَّ مُحَمَّدًا عَبْدُهُ وَرَسُوْلُهُ الدَّاعِى إِلىَ دِيْنِهِ بِأَوْضَحِ
اْلبَيِّنَاتِ
  *
اَللَّهُمَّ صَلِّ وَسَلِّمْ عَلَى
سَيِّدِ الْكَائِنَاتِ سَيّدِناَ محُمَّدِ النَّبِيِّ اْلأُمِّيَّ وَعَلَى آلِهِ
وَأَصْحَابِهِ وَمَنْ تَبِعَهُمْ بِإِحْسَانٍ إِلىَ آخِرِ الدُّهُوْرِ
وَالسَّنَوَاتِ
* أَمَّا بَعْدُ،
فَيَا أَيُّهَا اْلحَاضِرُونَ اْلكِرَامُ أُوْصِيْكُمْ وَنَفْسِى بِتَقْوَى اللهُ
وَطَاعَتِهِ فَقَدْ فَازَ اْلمُتَّقُوْنَ
*
 قَالَ اللهُ تَعَالىَ: أَعُوْذُبِ اللهِ مِنَ
الشَّيْطَانِ الرَّجِيْمِ: يَآ أَيُّهَا الَّذِيْنَ آمَنُوْا اتَّقُوْا اللهَ
حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُسْلِمُوْنَ
Para sederek jama’ah Jum’ah rahimakumullah,
Mangga kita samiya tansah  netepi
taqwa dateng Allah, kanti taqwa ingkang sakestu sarana tansah nindakaken sedaya
perintah lan dawuh dawuhipun, saha nilar lan nebihi sedaya cegah lan awisanipun
, wonten ing swasana kados menapa kemawon, kapan mawon, lan wonten ing pundi
kemawon,  nuju suka utawi berduka,
kawontenan sulit utawi gampil, ing kawontenan sepen utawi rame , tansah netepana
taqwa lan thaat dateng Allah supados kita tansah pikantuk rahmat lan
kanugerahan, kebahagyaan gesang  saking
ngarsa Dalem Allah Ta’ala, bade kabika keberkahan saking sedaya arah kalebat
saking bumi lan langit, Allah mila sampun njanjekaken
kanti dawuhipun :
öqs9ur ¨br& Ÿ@÷dr& #“tà)ø9$# (#qãZtB#uä (#öqs)¨?$#ur $uZóstGxÿs9 NÍköŽn=tã ;M»x.tt/ z`ÏiB Ïä!$yJ¡¡9$# ÇÚö‘F{$#ur
Sekirane
penduduk negara iku pada iman lan taqwa, yekti mesti wae tak bukak barakah
sangka langit lan bumi.
(Q.S. al-A’rof: 96).
Para sederek Kaum Muslimin  ingkang Minulya
Wulan Ramadhan nembe
kemawon kepengker, swasana masyarakat kita wekdal semanten ketingal sanget
gumbregah lan semanget nindakaken sak warnining pangibadahan, mboten namung
ingkang wajib nanging ugi amal amal sunnah. Pramila kita estunipun kedah saget
nglestantunaken semanget menika kangge wekdal wekdal sak lajengipun. Ampun
ngantos kita nandang karugen jalaran amal sae ing wekdal Ramadhan kepengker
lajeng wusananipun ing wulan syawal lajeng kita lepas nuruti dateng karemenan
tanpa kendali. Menawi nalika kita shiyam nafsu kita sampun takluk lan tunduk,
ampun ngantos lajeng kanti alasan mahargya dinten riyadin kita gantos kawon
dipun tunggangi dening hawa nafsu kita. Menawi mekaten kedadosanipun nama kita
lajeng ngrisak dateng nilai nilai ketaqwaan ingkang sampun kita gayuh kanti
ngelak lan luwe nalika shiyam sewulan Ramadhan kepengker. Bab menika Allah
sampun paring pepenget dateng kita :
Ÿwur (#qçRqä3s?
ÓÉL©9$%x.
ôMŸÒs)tR $ygs9÷“xî .`ÏB
ω÷èt/ >o§qè%
$ZW»x6Rr&
Sira aja padakaya wong wadon sing ngudari benang
tenune, sakwise ditenun kanti kuat “
( QS.An Nahl : 92)    
Dawuh menika
nggambaraken tiyang ingkang sampun kaleksanan nindakaken kesaenan kanti tlaten,
sabar mbaka sekedik open tlaten nanging sinareng sampun kaleksanan malah lajeng
dipun risak piyambak. Mekaten ugi kita ingkang wekdal kapengker kanti sabar
nindakaken ibadah, sae ingkang fardlu utawi sunnah ing sak lebetipun wulan
Ramadhan, lajeng akhiripun sinareng sampun cekap wulan radhan lumebet wulan
Syawal lajeng nguja hawa tumindak menapa kemawon ingkang dipun pengini. Tiyang
ingkang mekaten bade sanget kapitunan jalaran kesaenanipun dipun risak piyambak
kanti anggenipun tansah nuruti dateng hawa nafsunipun. Pramila kita kedah
tansah waspada dateng godanipun hawa ingkang dumunung ing sak lebetipun awak
kita piyambak menika.
Menawi gesang
menika namung sekedar nuruti dateng pepinginan lan pikajengan, sahengga reka
dayane sedaya usahane namung amrih saget keturutan pepinginanne, ategestiyang
menika sampun ngumawula, menghambakan diri dateng hawa nafsune. Ing mangka
tiyang ingkang ngumawula dateng hawa ateges nganggep pangeran dateng hawanipun,
tiyang menika badhe mlenceng saking kaleresan, nyebal dateng lampah ingkang
sasar, nilar dateng keadilan lan badhe tebih saking pitedah ingkang leres.
Kados Allah anggenipun paring dawuh :
Ÿwur
ÆìÎ7®Ks? 3“uqygø9$#
y7¯=ÅÒãŠsù `tã È@‹Î6y™ «!$#
4 ¨bÎ)
tûïÏ%©!$#
tbq=ÅÒtƒ
`tã
È@‹Î6y™
«!$# öNßgs9
Ò>#x‹tã
7‰ƒÏ‰x©
$yJÎ/
(#qݡnS
tPöqtƒ É>$|¡Ïtø:$#
“… lan sira aja nuruti hawa sebab bakal nyasarake sira saking
dalane Gusti Allah lan saktemene sapa kang sasar saka dalane Gusti Allah,
Tumprap dheweke siksa kang abot sebab olehe pada lali  ing dinoa hisab”
(Q.S.Shad: 26)
Para sederek Kaum Muslimin  ingkang Minulya
Gumebyaring
dunya panci sanget nyengsemaken. Katah tiyang ingkang kesengsem lan kepincut,
nanging mboten keconggah, ing mangka imanipun sanget ringkih, lajeng dados
stress, wonten ugi ingkang lajeng mblubut lan nekat, nempuh dalan pintas, sing
penting keturutan kekarepane, mboten merduleni halal haram, wangun lan saru,
leres lan lepat, awon lan sae, sing penting kasil sejane. Inggih tiyang mekaten
ingkang sinebat dening Allah kawulane nafsu lan budake hawa, kados wonten ing
dawuh :
أَفَرَأَيْتَ مَنِ اتَّخَذَ إِلَٰهَهُ هَوَاهُ
وَأَضَلَّهُ اللَّهُ عَلَىٰ عِلْمٍ وَخَتَمَ عَلَىٰ سَمْعِهِ وَقَلْبِهِ وَجَعَلَ
عَلَىٰ بَصَرِهِ غِشَاوَةً فَمَنْ يَهْدِيهِ مِنْ بَعْدِ اللَّهِ ۚ أَفَلَا

تَذَكَّرُونَ
”Apa sira ora ngerti wong kang ngalap pangeran hawane (howo dadi sesembahan), Gusti Allah nyasarake
wong iku ingatase ilmune, pangrungu lan atine wis dipatri,  Gusti Allah ndadekake tutup ing mpripate .
Mulo sapa kang paring pituduh sak wuse Gusti Allah, apa sira kabeh ora padha
eling”
(Q.S. Al-Jasyiyah : 23)
Kathah sanget tiyang amargi nuruti kekajengan hawa lajeng
tumindak maksiyat, lajeng korupsi, lajeng ngapusi manipulasi, lajeng mboten
ngangge aturan agami. Jalaran agami dianggep ngrepoti,  Gusti Rasul nate paring pepenget :

يَأْتِى
عَلَى النَّاسِ زَمَانٌ لاَ يُبَالِى الْمَرْءُ ماَ أَخَذَ مِنْهُ أَمِنَ الْحَلاَلِ
أَمِنَ الْحَرَامِ
“Bakal teka marang manungsa sawijining mangsa , wong-wong ora
padha merduleake barang kang di alap, apa halal apa haram”
(H.R.
Bukhari)
Kathah tiyang ingkang nyembah dhateng
hawa
nefsune lajeng mlenceng saking keleresan amargi piyambakipun
dipun damel sasar dining Gusti Allah kanthi ilmunipun, dagang nek ora ngapusi
jare dudu pedagang, duwe jabatan nek ora korupsi jarene ora pinter, pinter nek
ora ngapusi ora kondang  , wong golek
rizqi halal jarene ora bakal hasil.
Piyambakipun ugi pun kunci pidanget lan manahipun,
paningalanipun pun tutup mila piyambakipun mboten midhanget sambatipun tiyang
sanes, manahipun sampun pejah, raos welas asih sampun ical, wontenipun namung
mikir bathi lan rugi, mboten ngertos saru lan wangun, milik pribadi lan milik
tiyang sanes,  manfaat menapa mlarati.
Punika
wau sedayanipun inggih jalaran kiyatipun hawa nafsu ingkang ucul sak sampunipun
diajar kanti shiyam sak wulan, lajeng dumugining riyaya lajeng ujan ujanan
nuruti dateng sedaya pepinginan.
Mugi
mugi kita tansah pikantuk petedah lan rahmatipun Allah saget ngendaleni dateng
nafsu kagem nglajengaken perjuangan kita njejekaken pagesangan punika kanti
ridlanipun Allah Ta’ala.
جَعَلَنَا اللهُ وَإِيَّاكُمْ مِنَ اْلعَائِدِيْنَ  وَاْلفَائِزِيْنَ *   وَأَدْخَلَنَا
وَإِيَّاكُمْ فِى زُمْرَةِ عِبَادِهِ الصَّالحِيِنْ *
 وَقُلْ رَبَّ اغِفِرْ وَاْرحَمْ وَأَنْتَ خَيْرٌ
الرَّاحِمِيْنَ
.

Tinggalkan Balasan

Alamat email Anda tidak akan dipublikasikan. Ruas yang wajib ditandai *